ABŞ-da nəhəng Bitcoin mədən müəssisələri sürətlə transformasiya olunur. 2024-cü ildə Texasın Korsikan şəhərində tikintisinə başlayan və dünyanın ən böyük Bitcoin mədən müəssisəsi olmaq üçün nəzərdə tutulan müəssisə, cəmi bir il yarım sonra tamamilə fərqli bir məqsədə xidmət etməyə hazırlaşır.
Elchi.az xəbər verir ki, yüksək enerji tutumu və infrastrukturu sayəsində müəssisənin üçdə ikisi artıq süni intellekt (Sİ) və yüksək performanslı hesablama (HPC) fəaliyyətləri üçün istifadə ediləcək. Beləliklə, bir vaxtlar Bitcoin-in “məbədi” kimi görünən müəssisə Sİ fabrikinə çevriləcək.
Bitcoin maşınları gedir, GPU-lar gəlir
Bu transformasiya tək bir şirkətlə məhdudlaşmır. Son 18 ayda Bitfarms, Core Scientific, Riot, IREN, TeraWulf, CleanSpark, Bit Digital, MARA Holdings və Cipher Mining daxil olmaqla ən azı doqquz açıq ticarət edilən Bitcoin mədən şirkəti əməliyyatlarının hamısını və ya əhəmiyyətli bir hissəsini süni intellekt xidmətlərinə keçirəcəklərini açıqladılar.
Səbəb sadədir: süni intellekt sektorunun çox yüksək enerji istehlakını idarə edə bilən nəhəng məlumat mərkəzlərinə və infrastruktura ehtiyacı var. Bitcoin maynerlərinin illərdir tikdiyi qurğular bunun üçün mükəmməl uyğundur. Crucible Capital-dan Meltem Demirors deyir ki, “Bitcoin mayninqi müasir məlumat mərkəzləri üçün model yaratdı”. Demirors qeyd edir ki, şirkətlər süni intellektə keçsələr, investisiya xərclərinin daha aşağı olduğunu anlayıblar və əlavə edir: “Onlar artıq qurğunu tikiblər; onlar sadəcə mayninq maşınlarını çıxarır və onları icarəçi tərəfindən gətirilən GPU-larla əvəz edirlər”.
Şayəstə
