görüşündən sonra fikirlərini açıqlayıb.
Apasport.az saytının xəbərinə görə, almaniyalı mütəxəssis qolsuz bərabərliklə başa çatan görüşdə futbolçulardan narazı qaldığını bildirib: “Bu oyundan razı qala bilmərəm. Futbolçularda yorğunluq hiss olunurdu. Çoxlu səhvlər gördüm. Qol vurmaq üçün vəziyyətlətimiz olsa da, fərqlənmək üçün heç nə edə bilmədik”.
– Yeni sınadığınız futbolçulardan bəyəndikləriniz oldumu?
– 100 faiz razı qala bilmərəm. Bizim Rusiya ilə də yoxlama görüşümüz var. Bu futbolçuları hələ mətbuatda tənqid etməyəcəyəm. Onların özlərinə səhvlərini başa salmağa çalışacağam.
– Dmitri Nazarovu kimin əvəzinə komandaya gətirməyə lüzum görmüsünüz?
– Ona 90 dəqiqə şans verdim. Cəmi 3 məşq keçmişdi. Oyunda onun nəyə qadir olduğunu görmək istəyirdim.
– Rusiya ilə görüşdə bu heyətdən yararlanacaqsınız, yoxsa “Qarabağ” və “Neftçi”nin futbolçularına da şans veriləcək?
– Sözsüz ki, “Qarabağ” və “Neftçi” futbolçuları da heyətdə yer alacaq.
– “Qarabağ” və “Neftçi”nin futbolçularından ən çox kimin yeri görünürdü?
– Heç kimin. Mən bu günkü heyəti yoxlamaq istəyirdim.
– Kiyan Soltanpuru meydana niyə buraxmadınız?
– Çünki əvəzetmə limitimiz bitmişdi. 6 oyunçu əvəzləyə bilərdik. Elnur Allahverdiyevi Emin Nuri zədələndiyi üçün məcburən meydana buraxdıq.
– Millidə 4 futbolçudan başqa, himni oxuyan yox idi…
– Mən də Almaniya millisində çıxış edəndə himni oxumurdum. Belə çıxır ki, mən pis adamam? Gəlin, vətənpərvərliyimizi, Azərbaycanı sevdiyimizi himnlə göstərməyək.
Son şərhlər