Belarusda Qərbin müharibəyə hazırlığının əlamətləri aşkar edilib

Belarusun müdafiə nazirinin müavini Leonid Kasinski bildirib ki, Qərbin müharibəyə hazırlaşmasının bütün əlamətlərini Belarus görür.
Elchi.az xəbər verir ki, bu barədə Belarus Müdafiə Nazirliyi özünün Telegram kanalında məlumat yayıb.
Onun fikrincə, NATO ölkələrinin hərbi potensialının artırılması genişmiqyaslı münaqişəyə hazırlığın göstəricisidir. Xüsusilə, o, Belarus sərhədləri yaxınlığında alyansın güclənməsini qeyd edib.
“Biz müharibəyə hazırlığın bütün əlamətlərini görürük, ona görə də bizim əsas vəzifəmiz ayıq-sayıq olmaqdır”, – Belarus müdafiə nazirinin müavini deyib. O, Belarus hərbi rəhbərliyinin ölkə sərhədləri yaxınlığında təhlükəsizlik təhdidlərinə operativ reaksiya verməsinin vacib olduğunu vurğulayıb.

Nuranə Məmmədova