Birləşmiş Ərəb Əmirliklərinin (BƏƏ) İrana gizli hərbi hücumlar həyata keçirdiyi iddia edilir.
Elchi.az xəbər verir ki, The Wall Street Journal (WSJ) qəzetinin adsız mənbələrə istinadən verdiyi məlumata görə, BƏƏ-nin ABŞ və İsrailin İrana hücumları ilə başlayan müharibədə İrana qarşı birbaşa və gizli şəkildə hərbi hücumlar həyata keçirdiyi iddia edilir.
Hesabatda iddia edilir ki, BƏƏ aprel ayında atəşkəs zamanı Fars körfəzindəki Lavan adasında yerləşən neft emalı zavodunu hədəfə alaraq böyük yanğına səbəb olub və neft emalı zavodunun gücünün böyük bir hissəsini aylarla sıradan çıxarıb.
Hesabata görə, mənbələr ABŞ-ın hücuma reaksiya vermədiyini, çünki atəşkəs hələ tam qüvvəyə minmədiyini və müharibəyə qoşulmaq istəyən BƏƏ də daxil olmaqla digər Körfəz ölkələrinin iştirakını alqışladığını bildiriblər. İranın cavab hücumlarından sonra BƏƏ-nin Körfəz bölgəsində “qarşıdurma mövqeyi” tutduğunu göstərən mənbələr iddia edir ki, ABŞ və BƏƏ münaqişə boyunca güclü hərbi əməkdaşlıq saxlayıblar.
ABŞ Müdafiə Nazirliyi (Pentaqon) və BƏƏ Xarici İşlər Nazirliyi hücumlarla bağlı heç bir şərh verməyib.
Ağ Ev BƏƏ-nin münaqişə zamanı rolu ilə bağlı sualları cavablandırmasa da, Prezident Donald Trampın bütün variantlarının olduğunu və ABŞ-ın İrana maksimum təzyiq göstərmək gücünə malik olduğunu bildirib.
Şayəstə
