Britaniyanın ictimai yayımı olan BBC kanalındakı təqib iddiaları İngiltərə gündəminə bomba kimi düşüb. Məşhur ekran siması, kanal əməkdaşının 17 yaşlı yeniyetmədən nalayiq görüntülər alması ilə bağlı iddialar var. BBC sözügedən işçinin işdən çıxarıldığını açıqlayıb.
Britaniyanın ictimai yayımçısı BBC təqib qalmaqalı ilə üzləşib.
Elchi.az xəbər verir ki, BBC-nin adı açıqlanmayan əməkdaşının 18 yaşdan kiçik bir yeniyetmənin uyğun olmayan görüntülərini satın aldığına dair iddialar var.
“The Sun” qəzetinin xüsusi xəbərinə görə, BBC-nin məşhur ekran siması olan gəncin ünsiyyəti gəncin 17 yaşında ikən başlayıb.
İddialara görə, yeniyetmənin anası BBC-nin aparıcısının bank çıxarışlarını göstərib.
Xəbərə görə, BBC əməkdaşı bu pulu uşağın uyğun olmayan fotoları müqabilində verib.
İddialar arasında məşhur aparıcı haqqında çoxlu şikayətlər olsa da, BBC rəhbərliyinin bu məsələ ilə bağlı tədbir görmədiyi də bildirilir.
İddialardan sonra Britaniya yayımçısı işçinin işindən uzaqlaşdırıldığını və hadisənin təcili olaraq araşdırıldığını açıqlayıb.
Britaniya polisi iddialarla bağlı BBC rəhbərliyi ilə əlaqə saxladıqlarını və araşdırma üçün əlavə məlumatlara ehtiyac olduğunu bildirib.
Məşhur aparıcı vəkili vasitəsilə ittihamları təkzib edərək, “The Sun”un xəbərlərinin “heç bir həqiqəti olmadığını” deyib.
18 yaşından kiçik hər kəsin uyğun olmayan şəkillərini paylaşmaq Böyük Britaniya qanunlarına görə qadağandır.
Belə şəkillərin paylaşılması 14 il həbslə cəzalandırılır.
Şayəstə Hüseynova
Son şərhlər