ABŞ prezidenti Joe Biden, baza hücumuna bu gün cavab verməyə başladıqlarını və bu hərbi cavabın “öz seçdikləri vaxt və yerlərdə” davam edəcəyini açıqladı.
Elchi.az xəbər verir ki, ABŞ prezidenti Co Bayden, Suriya və İraqdakı İran İnqilab Keşikçiləri Korpusunu və ona bağlı milis qruplarını hədəf alaraq baza hücumuna cavab verməyə bu gün başladıqlarını və bu cavabın “öz seçdikləri vaxt və yerlərdə” davam edəcəyini açıqlayıb.
ABŞ prezidenti Bayden yanvarın 28-də Suriya-İordaniya sərhədindəki Amerika bazasına edilən hücumla bağlı yazılı açıqlama verib.
Bayden, 3 ABŞ əsgərinin öldüyü hücumun İran İnqilab Keşikçiləri Korpusunun (SEPAH) dəstəklədiyi milis qrupları tərəfindən həyata keçirildiyini müdafiə edərək, sözügedən əsgərlərin dəfn mərasiminə yenicə qatıldığını bildirib.
Bu hücuma verdikləri cavabla bağlı o, “Bu gün günorta mənim göstərişimlə ABŞ ordusu Suriya və İraqda DMO və ona bağlı milis qruplarına aid hədəfləri vurdu. Biz bu gün hücuma cavab verməyə başladıq və bu cavab bizim seçdiyimiz vaxtlarda və yerlərdə davam edəcək” deyib.
ABŞ-ın Yaxın Şərqdə hərbi münaqişə ardınca getmədiyini qeyd edən Bayden, Amerika əsgərlərini hədəf alanlara cavab verəcəklərini vurğulayıb.
Şayəstə Hüseynova