Paytaxtın küçələrində yeni avtodayanacaqlara ehtiyac var. Heç kim buna şübhə etmir. Ancaq əvvəllər 
avtomobillərin saxlanılması qəti qadağan olunan hissələr nəyə görə indi parkinq ərazilərinə çevrilir?
avtomobillərin saxlanılması qəti qadağan olunan hissələr nəyə görə indi parkinq ərazilərinə çevrilir?Day.az-ın məlumatına görə, Əhməd Cavad küçəsinin Murtuza Muxtarov küçəsi ilə kəsişməsindən Axundov bağına qədər və Murtuza Muxtarov küçəsinin İstiqlaliyyət küçəsi ilə kəsişməsinə qədər olan hissədə dayanma və durmanı qadağan edən nişanlar götürülür. İndi buralarda maşınların park edilməsi qanuniləşdirilib.
Adətən dayanma və durmanı qadağan edən nişanları nəqliyyat yükü çox olan küçələrdə quraşdırırlar ki, maşınların hərəkətində maneələr yaranmasın.
Qanunsuz parkinq yerlərini qanuniləşdirmək nə dərəcədə məntiqlidir?
Məsələyə aydınlıq gətirmək üçün saytın əməkdaşı Bakı Şəhər İcra Hakimiyyətinin nəzdindəki Xüsusi təyinatlı avtonəqliyyat idarəsinin rəisi Həsən Abdullayevlə əlaqə saxlayıb.
Onun sözlərinə görə, Bakının mərkəzi küçələrində yol polisi ilə birlikdə dayanma və durmanı qadağan edən nişanlar götürülüb, həmin yerlərdə pullu dayanacaqlar yaradılıb.
“Məsələ burasındadır ki, mərkəzi küçələrdə yaşayan insanlar müraciət ediblər. Onlar qadağanedici nişanlar ucbatından maşınlarını öz pəncərələrinin altında park edə bilmirlər. Biz də vətəndaşların müraciətlərini nəzərə aldıq. Həmin ərazidə yaşayan sakinlərə aylıq 15 manatlıq kupon təqdim edilir”, – o əlavə edib.
İdarə rəisinin sözlərinə görə, artıq Bakıda 400-ə yaxın parkomat quraşdırılıb. Parkomatların sayının 1000-ə çatdırılması nəzərdə tutulub.
Son şərhlər