Bakıda Qoşulmama Hərəkatının gənclər qolunun sammiti keçiriləcək.
Elchi.az xəbər verir ki, bu barədə Azərbaycan xarici işlər nazirinin müavini Elnur Məmmədov bildirib.
O deyib ki, dünyanın gənc nəslinin böyük faizi inkişafda olan ölkələrdə yaşayır və bu ölkələr Qoşulmama Hərəkatının üzvüdür.
Nazir müavini bu gəncliyin müxtəlif çətinliklərlə üzləşdiyini və COVİD 19 pandemiyası ilə vəziyyətin daha da mürəkkəbləşdiyini xatırladıb. O bu dönəmdə QH-nin rolunu vurğulayıb, o qeyd edib ki, təşkilata bu ölkələrə dəstək verməyə çalışıb.
“Azərbaycan BMT-nin hədəflərini, xüsusilə də gənclərlə bağlı hədəflərini dəstəkləyir”, nazir deyib.
Elnur Məmmədov deyib ki, Azərbaycan Qoşulmama Hərəkatına sədrlik edən ölkə kimi bu təşkilatın gənclik qolunu yaradıb və bu, qlobal səviyyədə gənclər arasında şəbəkənin yaranmasına imkan verir.
“İyulda QH-nin Gənclik Təşkilatının sammiti keçiriləcək. Bu sammitə BMT baş katibinin videomüraciəti olacaq”, o deyib.