Bakıda iki nəfərin qətlində təqsirləndirilən şəxslər Nurani Məmmədov, Ramin Quliyev, Yunis Rəhimov, Tural Məmmədov və Sərxan Şahbazovun cinayət işi üzrə məhkəmə prosesi keçirilib.
Elchi.az xəbər verir ki, Bakı Ağır Cinayətlər Məhkəməsinin hakimi Samir Əliyevin sədrliyi keçirilən iclasda təqsirləndirilən şəxslər – Sərxan Şahbazov və Yunis Rəhimov ifadə verib.
Sərxan Şahbazov hadisə zamanı heç nə görmədiyini və özünü iş üzrə təqsirli bilmədiyini deyib.
Daha sonra digər təqsirləndirilən Yunis Rəhimov ifadə verib. O da hadisəni görmədiyini deyib.
Növbəti məhkəmə prosesi oktyabrın 31-də keçiriləcək.
Qeyd edək ki, hadisə ötən ilin fevralında Nərimanov rayonu ərazisində qeydə alınıb.
Hadisə zamanı Şahin Bayramov və Fərid Əlirzayevin aldıqları bıçaq xəsarətlərindən ölmələri barədə rayon prokurorluğuna məlumat daxil olub.
Araşdırmalarla Nərimanov rayonu, Təbriz küçəsində bir qrup şəxs – bir tərəfdən Şahin Bayramov və Fərid Əlirzayev, qarşı tərəfdən isə Nurani Məmmədov və digər şəxslər arasında kəsici-deşici alətlərdən istifadə edilməklə yaranmış münaqişə zəminində qərəzli xuliqanlıq hərəkətləri nəticəsində aldıqları xəsarətlərdən Şahin Bayramov və Fərid Əlirzayevin ölmələri müəyyən edilib.
Son şərhlər