ABŞ hərbçiləri İranın Sirik bölgəsindəki mülki su infrastrukturuna zərbə endirib və ümumi tutumu 2500 kubmetr olan iki anbarı məhv ediblər.
Elchi.az xəbər verir ki, bu barədə İran Xarici İşlər Nazirliyinin (XİN) sözçüsü İsmayıl Bəqai “X” sosial şəbəkə hesabında yazıb.
“Bu qurğular on kəndin 20 mindən çox sakinini içməli su ilə təmin edirdi”, – o qeyd edib.
XİN rəsmisinin sözlərinə görə, bu, qəsdən törədilmiş hərbi cinayət və insan hüquqlarının, eləcə də beynəlxalq humanitar hüququn kobud şəkildə pozulmasıdır: “ABŞ həyatı təmin edən mülki infrastruktura qarşı bu cür sistematik hücumların törədilməsinə görə məsuliyyət daşımalıdır”.
Qeyd edək ki, ABŞ Silahlı Qüvvələrinin Mərkəzi Komandanlığı (CENTCOM) “Apache” helikopterinin vurulmasına cavab olaraq İrana zərbələr endirib.
