Xətai rayonundakı istilik problemi hələ də öz həllini tapmayıb. Buradakı yayış binalarına 5 gündür ki, istilik verilmir.
Bununla bağlı Axar.az-a açıqlama verən “Azəristiliktəchizat”ın şöbə rəisi Rafiq Əliyev bildirib ki, günün sonunadək sözügedən əraziyə istilik veriləcək.
“Xətai rayonunda yaranan problem “Azərenerji”nin 8 Noyabr propektindəki İstilik Elektrik Mərkəzindən gələn məhəllədaxili magistral xətlərin istismar müddətinin bitməsi ilə əlaqədardır. İstilik məntəqələr vasitəsilə binalara ötürülür. Bu məsələ iki il əvvəl hökumət qarşısında qaldırılıb. Sözügedən ərazilərin hamısı məhəlli qazanxanalara keçəcək. Energetika nazirinin sifarişi ilə layihələr olub. 2022-ci ildə Xətai rayonu Gəncə prospektindəki 200-ə yaxın bina müasir qazanxanalara keçiriləcək. Məhəllədaxili xətlər təzələnəcək”, – şöbə rəisi bildirib.
Qeyd edək ki, bu, sözügedən ərazidə 15 noyabrdan – istiliyin verilməsinə başlanılmasından bəri 4-cü qəzadır. Hər dəfə R.Əliyev istiliyin “bu gün bərpa olunacağını” bildirsə də, heç vaxt həmin gün bərpa olunmur.
Son şərhlər