Rusiya ilə Azərbaycan arasında ticarət dövriyyəsi pandemiyadan əvvəlki səviyyəyə yüksəlib və ilin sonuna 3 milyard dollar təşkil edəcək.
Bunu Rusiyanın Azərbaycandakı səfiri Mixail Boçarnikov deyib.
Onun sözlərinə görə, mühüm amil ticarətin əsasən qeyri-neft sektoru üzrə aparılmasıdır.
“Bu da müxtəlif qarşılıqlı əlaqələr üçün kifayət qədər geniş imkanlar açır”, – Boçarnikov qeyd edib.
Səfir vurğulayıb ki, hazırda Azərbaycanın kənd təsərrüfatı məhsullarının Rusiyaya ixracı imkanlarının təkmilləşdirilməsinə böyük önəm verilir:
“Son illərdə kənd təsərrüfatı məhsullarının tədarükünə dəmir yolu nəqliyyatının cəlb edilməsi intensivləşib. Nəqliyyat sistemlərimiz güclənir və buradakı biznes imkanlarına getdikcə müsbət təsir göstərir”.
Qeyd edək ki, 2020-ci ilin sonuna Azərbaycan ilə Rusiya arasında ticarət dövriyyəsi əvvəlki illə müqayisədə 11,6% azalaraq 2,671 milyard dollar təşkil edib. Azalma koronavirus pandemiyası ilə əlaqədar olub.