Bir neçə gündür, sağlıq durumumla bağlı qardaş Türkiyədəyəm. Şükrlər olsun, hər şey əladır. Mənim kimi yüzlərlə vətəndaşlarımız qardaş cümhuriyyətə müalicə almaq, dərdlərinə çarə aramaq üçün gəlirlər. Bu həkimlərin dəstəyi ilə sevgili Şəhlamın ömrünün bir neçə il uzanmasına sevinmiş, Allahımıza və doktorlara təşəkkür etmişik. İndi də bir neçə dəfə öz həyatımın qurtulmasında bu doktorların böyük əməyi olub.
Əlbəttə gələn hər kəs özünə görə, az – çox vəsait toplayır və mümkün qədər israfçılıqdan qaçınmağa çalışır. Bütün çıxarlarını daha çox sağlıqlarına yönəltməyə çalışırlar.
Xəstəxanaların bir çoxu isə həm özəldirlər, həm də Azərbaycan adı gələndə pul – paranı süpürgə ilə toplayırlar düşüncəsi ilə yanaşırlar… Buna da bir etirazım yoxdur. Zatən tələbləri olan ödənişlər tərəfimizdən yerinı yetirilir.
Sevgili mərhum Şəhlamın müalicəsi illərində və indi də öz müalicəmdə müalicədən kənar, artıra bildiyimiz vəsaitdən hər zaman övladlarımıza nələrsə də almağa çalışırıq.
Belə vəsaitlərin necə deyərlər, qənaət olunmasında Azərbaycana xüsusi sevgisi olan doktorların da böyük qatqısı olur. Məsələn, Ahmet Altunhalka, Mehmet Veli Karaaltın, Ahmet Çoker, Hikmet Uluğ, Emin bəy, Rəşad bəy və adlarını çəkmədiyim bir çox Azərbaycan aşiqlərinin rolu danılmazdır.
Yuxarıda qeyd etdiyim kimi qənaət edilən vəsaitlərdən biri də buradan vətəndəki yaxınlarla əlaqəyə girib, lazımi sağlıq bilgiləri verməkdir. Sağlıq üçün olmasa da belə, xaricdən bizim ölkəmizə gələnlər də daxili mobil operatorların yardımından yararlanmaqdadırlar. Hər bir halda israfçılıqdan qaçmaq yaxşı şeydir. Əvvəllər sıx sıx gələrək istifadə etdiyim “türkcell” operatorunun xidməti bu səfər mənə çox ilginc gəldi.
Biz yabançı müştəriləri necə deyərlər, kazıklamak üçün türlü yollar tapmışlar. Bu yollardan biri də daha çox vətəni ilə danışan yabançılara sunulan dəyişik paketlərdir. Çox tez bitməsi də bəlkə məni yandırmazdı. Bu gün rastlaşdığım hal olmasaydı. Burada olduğum on beş günə yaxın vaxt ərzində telefpna çox vəsait xərclədiyimi hiss edərək, bu gün İzmirin Balçova rayonunda türkcell ofisinə müraciət etdim.
Kontur yüklədərkən, yurtdışı danışıqlarıma faydalı olacaq bir paketdən yararlanmaq istədiyimi söylədim. Olur, dedilər. Və daha çox hansı ölkəyə aramam olduğunu soruşarkən, sevinərək və fəxrlə Azərbaycan dedim.
” Alo dünya ” paketinin içərisinə baxdılar, Azərbaycan olmadı…
” alo avropa ” paketini yoxlamağa başladılar, bir az daha sevinərək, yəqin bizi Avropalı listəsinə daxil ediblər deyə, gözləməyə başladım, olmadı…
Birdən qulağım “alo suriya ” paketini duyunca, sinirlərim pozuldu… Və qardaş ölkə Azərbaycan vətəndaşları haqda qısaca zavallı çalışanlara bilgi verdim. Demək ” alo suriya ” paketi belə olduğu halda, Azərbaycanın adına heç bir paketdə rast gəlmirdən… Suriyadan gələrək Türk vətəndaşlarının olsun işçilik jəyatı, olsun mədəni həyatına yetəri üədər problemlər yaradan o mülteci adlandırdıqları qaçqınlara istər xəstəxanalarda, istərsə, digər yerlərdə yetəri qədər güzəşt tanınır…
Ancaq yetmiş il sovet basqısı altında olan gözəlim Azərbaycanın buraxın aydınlarını, sadə vətəndaşlarının ürəyinin necə atdığını bilmək lazımdır…
Mən yetmişinci illərin məktəblisi olaraq, Türkiyə, İstanbul haqda olan roman və şeirləri necə həvəslə oxuduğumu yaxşı xatırlayıram… Doxsanıncı illərdə ilk dəfə gələrkən, fosforlu Cevriyyənin gəzib, dolaşdığı İstanbul gecələrini qarşımdakı türk qardaşlarıma danışarkən, şaşırıb qalırdılar. Və ya Südabə Şəfanın türkiyəli bir nəfərlə xaricdə görüşünü nəzmə çəkərək Bakı ilə İstanbulu necə təsvir elədiyini danışdığım halda təəccüblənirdilər…
Deyirdum ki, bizdə balaca uşağa belə dünyanın paytaxtı haradır, deyə soranda həmən, İstanbul, söylərdilər…
Ancaq müdtəqilliyimizi qazandıqdan sonra hər şeyin ən yaxşısını qardaşımızla bölüşməyə çalışdıq.
Neft kontraktında qardaşımızın iştirakı, əsrin boru xəttinin Ceyhana uzanması, qardaş ölkəyə satılan neft – qaz və neft məhsullarının daha ucuza verilməsi və s. kimi onlarla örnək verə bilərəm.
Amma qsrdaşımızın öz pulumuzla Ana Vətənimizə zəng etməmiz üçün heç bir ” alo … ” paketinin olmaması məni çox üzdü.
Bizə tez – tez viza məsələsini örnək göstərərək, nədən Azərbaycan hələ də viza pulu alır, deyirlər… Ancaq kumsə bunun səbəbinin başqa məsələ olduğunun fərqində belə deyil… Həm də viza məsələsinin Türkiyədə çalışan vətəndaşlarımıza nə qədər zərər vurduğunu belə ağlına gətirmir… Suriyalılara isə hər cür çalışma və oturum izni şəraiti yaradılmaqdadır…
Mən inanıram ki, bir gün bizim ölkənin rəhbərliyi də bəzi suallar verəcəkdir. Ancaq sayğıdəyər Prezidentin ermənilərlə bağlı dediyi ifadə də arada yadıma düşür. Təxminən belə idi,- Ermənistan dövlətinin rəhbərləri və xarici işlər naziri qırx mindən çox erməninin qaçaq işçi olduğunu unutmamalıdırlar…”.
Oysa Azərbaycan vətəndaşları burada çalışma iznini rəsmiləşdurmək üçün ən azından uzun bir maddi və bürokratik baryerləri aşmaq zorunda qalırlar…
Görəsən Azərbaycanın adını heç olmazsa, ” alo suriya ” paketinə daxil edəcəklərmi?..