Tapılan silahlar arasında silahlar, ov tüfəngləri və partonlar olub
Azərbaycanda xeyli silah sursat aşkarlanıb. Daxili İşlər Nazirliyinin mətbuat xidmətindən ANS PRESS-ə verilən məlumata görə, silah-sursat Şəmkir, Füzuli və Gəncə rayonu ərazisində tapılıb.
Rayon Polis Şöbəsinin əməkdaşları tərəfindən rayon ərazisində nömrəsiz “Karabin” markalı silah, “TOZ-8” markalı tüfəng, qaz tapançası və 294 ədəd müxtəlif çaplı patron, Füzuli RPŞ əməkdaşları tərəfindən Horadiz şəhərində 2 ədə “TOZ” markalı tüfəng, 2751 ədəd müxtəlif çaplı patron və 3 patron darağı tapılıb.
Nizami (Gəncə) RPİ əməkdaşları isə Gülüstan qəsəbəsində “RPQ-18” markalı qumbaraatan və 1555 ədəd müxtəlif çaplı patron tapıblar.
Cəlilabad rayon sakini isə ov tüfəngini könüllü təslim edib. Sabirabad kənd sakini Rauf Həsənov nömrəsi silinmiş “TOZ-16” markalı ov tüfəngini polisə verib.
ANS PRESS
