Qadın voleybolçular arasında Azərbaycan Super Liqasında XI turun oyunları keçirilib.
“Report”un məlumatına görə, turun ilk matçında “Abşeron” “Azərreyl”i 3:0 (25:23, 27:25, 25:19) hesabı ilə məğlub edib.
Digər görüşdə isə “Murov” UNEC-ə eyni hesabla qalib gəlib – 3:0 (25:15, 25:11, 25:18). Bununla da komanda sona 1 tur qalmış bürünc medalı təmin edib. Qızıl medala “Abşeron”, “gümüş”ə isə “Azərreyl” sahib çıxıb.
Hər iki qarşılaşma Azərbaycan Voleybol Federasiyasının idman zalında baş tutub.
Qeyd edək ki, 11 turdan sonra “Abşeron” 33 xalla turnir cədvəlinə başçılıq edir. 17 xalı olan “Azərreyl” 2-ci, 11 xalı olan “Murov” 3-cüdür. UNEC isə 5 xalla sonuncu pillədə qərarlaşıb.
Son şərhlər