Ölkəmizə qarşı Avropa Parlamentinin yol verdiyi destruktiv hərəkətlərə və qəsdli kampaniyalara cavab olaraq Milli Məclisin Azərbaycanın Avronest Parlament Assambleyasından çıxması barədə 2015-ci ildə qəbul etdiyi qərar ölkəmizin əleyhinə ciddi diplomatik nəticələrə gətirib çıxara bilər.
Martın son həftəsində Avronest PA-nın sessiyası keçirildi və onun yekunlarına əsasən, Rusiya Federasiyasının hərəkətləri qınanıb və AŞPA deputatı Nadejda Savçenkonun azad edilməsi tələbi ilə qətnamə qəbul olunub. Bundan əlavə, Aİ və “Şərqi əməkdaşlıq” ölkələrinin xarici siyasət və mümkün təhlükələr üzrə mövqeyi barədə məruzə layihəsi dinlənilib və bu zaman Azərbaycan nümayəndə heyətinin yoxluğu Yerevanın xeyrinə olub.
Sonradan erməni deputat, Arvonest PA-da Ermənistan nümayəndə heyətinin rəhbəri Artak Zakaryanın sonradan bildirdiyi kimi, erməni tərəfi Aİ və “Şərqi əməkdaşlıq” ölkələrinin xarici siyasət və mümkün təhlükələr üzrə mövqeyi barədə məruzə layihəsindən bəzi “xoşagəlməz ifadələri” çıxarmağa müvəffəq olub. Məlum olub ki, gürcü deputatlar ərazi bütövlüyünün təminatı və “Şərqi əməkdaşlıq” ölkələrində işğal edilmiş torpaqların yolverilməzliyi ilə bağlı iki təklif irəli sürüblər.
“Azərbaycanın bunla bağlı necə hərəkət edəcəyini hamı bilir. İclasda gürcü həmkarlarımız razılaşdılar ki, həmin ifadələr mətndən çıxarılsın”, – Zakaryan sevinərək deyib.
Özü özlüyündə bu, gürcü deputatlar və ümumilikdə Avronest üçün qəribə mövqedir. Aydın məsələdir ki, Azərbaycan kimi Ukrayna, Gürcüstan və Moldova üçün də ərazi bütövlüyü və özgə torpaqlarının işğalı məsələsi vacib bəndlərdir. Lakin Azərbaycan nümayəndə heyətinin olmaması ona gətirib çıxarıb ki, ermənilər gürcüləri bu ifadələrin mətndən çıxarılmasına razı sala biliblər.
Bəs görəsən belə qərar verərkən gürcü deputatları nə fikirləşirdilər?
Virtualaz.org vəziyyəti aydınlaşdırmaq üçün Avronest PA-nın həmsədri Viktor Dolidzeyə müraciət edib.
V.Dolidze ilk növbədə təəssüf etdiyini bildirib ki, Azərbaycan Avronestin işində iştirak etməkdən imtina edir. O, həmçinin aprel ayında Azərbaycana səfər edəcəyini də bildirib.
“O ki, qaldı sizin qaldırdığınız məsələyə, Ermənistan tərəfi xahiş etdi ki, mətndə “Gürcüstanın işğal olunmuş torpaqları” ifadəsi əksini tapsın. Əgər sizin nümayəndələr orda olsaydı və ifadənin dəyişməməsi xahişini etsəydilər, biz onlarla razılaşardıq. O zaman elə alınardı ki, söhbət bütün “Şərqi əməkdaşlıq” ölkələrinin ərazi bütövlüyündən gedir. Gürcüstan həmişə nəiunki Azərbaycanın, bütün ölkələrin ərazi bütövlüyünü dəstəkləyib”, – V.Dolidze belə deyib.
Necə olursa olsun, nümayəndə heyətimizin belə vacib sənədlərin müzakirəsində Avronest PA-da iştirak etməsi arzuolunandır. O ki qaldı gürcü nümayəndə hüyətinin qərarına, onların öz siyasəti və maraqları var və biz oturub gözləməməliyik ki, kimsə yerimizə bizim işimizi görəcək.
Son şərhlər