Rusiyanın “AvtoVAZ” şirkəti Lada avtomobillərinə qiymətləri 9 faiz qaldıracaq.
Bu markadan olan maşınların qiyməti 2015-ci ilin yanvarın 15-dən artacaq.
Bu barədə TASS-a istehsalçı şirkətin mətbuat xidmətindən məlumat verilib.
Şirkətdə qeyd ediblər ki, bu, dollar və avronun məzənnəsinin artması ilə bağlıdır.
“Biz ümid edirdik ki, Rusiya iqtisadiyyatında vəziyyət olduqca tez bərpa olunacaq, lakin təəssüflər olsun ki, bu baş vermədi”, - ”AvtoVAZ”ın məlumatında deyilir.
Lada maşınlarının bütün modellərinin qiyməti sonuncu dəfə 2014-cü ilin martında orta hesabla 2.8 faiz artmışdı.
Qeyd edək ki, Avro-4 standartlarına cavab verməyən avtomobillərin Azərbaycana idxalına qadağa qüvvəyə minəndən sonra ölkəyə “”Lada Prirora”, “”Lada Niva 4x4”, “Lada Larqus” və “Lada Qranta” ixrac olunur.(oxu.az)
