28 sentyabr – 8 oktyabr tarixlərində Azərbaycanın yeddi şəhərində keçiriləcək III MDB Oyunları ilə əlaqədar Rəqəmsal İnkişaf və Nəqliyyat Nazirliyinin Azərbaycan Yerüstü Nəqliyyat Agentliyi (AYNA) gücləndirilmiş iş rejimində çalışır.
Elchi.az AYNA-ya istinadən xəbər verir ki, agentliyin əməkdaşları Oyunların Təşkilat Komitəsi ilə birgə tədbirlərin keçiriləcəyi şəhərlərə tam heyətlə cəlb olunublar.
Oyunlarda çıxış edəcək idmançıların və nümayəndə heyətlərinin rahat və təhlükəsiz şəkildə nəqliyyat xidmətləri ilə təmin edilməsi həyata keçirilir.
III MDB Oyunları ilə əlaqədar Azərbaycana gələn qonaqlar həm Heydər Əliyev Beynəlxalq Aeroportu, həm də Gəncə Beynəlxalq Hava Limanlarına üz tutur. Nümayəndə heyətlərinin hava limanlarından daşınması təşkil edilmiş şatllarla həyata keçirilir. Hava limanı daşımaları üçün 40 “Neoplan” markalı avtobus ayrılıb.
Sentyabrın 24 və 25-də oyunlarla əlaqədar AYNA tərəfindən 6 reys həyata keçirilib və 9 avtobusla 180 sərnişin hava limanlarından tədbirlərin keçiriləcəyi şəhərlərə rahat və təhlükəsiz şəkildə aparılıb.
Həmçinin tədbirlərin keçiriləcəyi şəhərlər üzrə iştirakçıların yarış və digər məkanlar arasında daşınması üçün 93 “Yutong” və “Neoplan” markalı avtobus ayrılıb. Bu avtobuslardan 10-u bu gündən Qəbələdə başlayan oyunlar üçün iştirakçıların yarış məkanlarına çatdırılmasını təmin edir.
AYNA-nın gücləndirilmiş iş rejiminə keçməsi III MDB Oyunlarına hazırlığın nə qədər önəmli olduğunu göstərir. İdmançıların və nümayəndə heyətlərinin rahat və təhlükəsiz daşınması üçün görülən tədbirlər təqdirəlayiqdir. Belə böyük tədbirlərin yüksək səviyyədə təşkil olunması ölkəmiz üçün qürurvericidir. Bu oyunların uğurlu keçəcəyinə inanırıq.
Çox gözəl məlumatdır, AYNA-nın bu oyunlar üçün göstərdiyi səyi təqdir etmək lazımdır. İdmançılar və nümayəndə heyətləri üçün bütün nəqliyyat məsələlərinin belə incəliklə düşünülməsi onların rahatlığını təmin edəcək. Bu cür tədbirlərin uğurlu keçməsi üçün AYNA-nın hazırlığı əladır.