İnterpolun Gürcüstan üzrə Milli Mərkəzinin əməkdaşları dekabrın 29-da İnterpol xətti ilə axtarışda olan Türkiyə vətəndaşı Doğan Tuncayı Azərbaycan-Gürcüstan sərhədini keçərkən saxlayıblar. Musavat.com-un gürcü qaynağına istinadən verdiyi xəbərə görə, bu barədə Gürcüstan DİN-in mətbuat xidmətindən bildirilib.
“Doğan Tuncay Türkiyə CMİ-nin 227/2 və 62/1 maddələri ilə ittiham olunur. Bu maddələr fahişəlikdə vasitəçiliklə bağlıdır. Buna görə Türkiyə qanunvericiliyi azadlıqdan məhrum etmə cəzasını nəzərdə tutur” – açıqlamada deyilir.
Mətbuat xidmətinin məlumatına görə, hazırda Türkiyə vətəndaşı Kvemo Kartldidəki (Borçalı) müvəqqəti saxlanma izolyatoruna köçürülüb və onunla bağlı ekstradisiya öncəsi tədbirlər həyata keçirilir.
Son şərhlər