“Əllərə təsir edən “Vikinq xəstəliyi” qismən Neandertal mənşəlidir”.
Elchi.az Smotrim.ru-ya istinadən xəbər verir ki, bu qənaətə İsveç, Almaniya və ABŞ-dan olan beynəlxalq alimlər qrupu gəlib. Bu barədə Phys.org elmi informasiya portalı məlumat yayıb.
İşin nəticələri “Molecular Biology and Evolution” jurnalında da dərc olunacaq. Yuxarıda göstərilən xəstəlik “Dupuytren” kontrakturası kimi də tanınır. Birləşdirici toxumanın lifli degenerasiyası nəticəsində barmaqlar bükülür, onların tam uzanması mümkün deyil. Ən çox təsirlənənlər üzük, orta və kiçik barmaqlardır.
Xəstəlik Şimali Avropalılarda geniş yayılmış, Afrika əsilli insanlarda isə nadir hallarda rast gəlinir.
Alimlər öz araşdırmalarında 7871 hadisə və 645880 nəzarət qrupunun məlumatlarından istifadə ediblər. Nəticədə, “Dupuytren” xəstəliyi ilə əlaqəli olan 61 əhəmiyyətli genom variantı aşkar edilib. Təhlil göstərib ki, bu variantlardan üçü neandertal mənşəlidir.
Yeganə
Son şərhlər