ABŞ prezidenti Donald Trampın adanın ABŞ-a qoşulmasının zəruriliyi ilə bağlı bəyanatları fonunda Avropa ölkələrindən ilk hərbi heyət Qrenlandiyaya gəlib.
Elchi.az xəbər verir ki, bu barədə “Bild” qəzeti yazıb.
Xüsusilə, Danimarka və İsveçdən olan hərbi qulluqçular missiyada iştirak edirlər.
Nəşr İsveçin baş naziri Ulf Kristerssondan sitat gətirib: “Onlar birlikdə Danimarkadakı “Arktika Dözümlülük” təlimində növbəti addımları hazırlamalıdırlar.
Adaya alman hərbçiləri də göndəriləcək.
“Bundesver Airbus A400M nəqliyyat təyyarəsi ilə Qrenlandiyanın Nuuk şəhərinə 13 hərbi qulluqçudan ibarət kəşfiyyat qrupunu göndərib”, – materiallarda deyilir.
Finlandiya da NATO-nun Qrenlandiyada mövcudluğunun genişləndirilməsində iştirak etmək niyyətindədir, lakin hələlik öz qoşunlarını Yer kürəsinin ən böyük adasına göndərmək barədə qərar qəbul etməyib.
Bundan əvvəl Danimarka Müdafiə Nazirliyinin sözçüsü Tobias Roed Jensen bəyan etmişdi ki, Birləşmiş Ştatlar Qrenlandiyanı hərbi yolla ələ keçirməyə cəhd edərsə, krallığın hərbçiləri Amerika qoşunlarına atəş açmağa məcburdur.
Yeganə
