Qeyd olunub ki, son 3 ildə Avropaya gələn qeyri-qanuni mühacirlər arasında 50 mindən çox müşayiətsiz uşaq itib və uşaqların əksəriyyəti cinayət təşkilatlarının əlinə keçə bilər.
Elchi.az xəbər verir ki, Belçikanın De Standaard, VRT və Knack media qurumlarının Lost in Europe araşdırmaçı jurnalistika təşkilatı ilə apardığı araşdırmaya görə, 2021-2023-cü illərdə qohumları olmadan Avropaya gedən 51 min 433 uşaq qeyri-qanuni immiqrantdan xəbər yoxdur.
Bu uşaqların mütəşəkkil cinayətkar qrupların əlinə keçdiyi və ya işləməyə məcbur edildiyi ehtimal edilir.
Ən çox itkin düşmüş uşaq sayı 22 min 899 ilə İtaliyada qeydə alınıb.
İtaliyanı Avstriya (20 min 77), Belçika (2 min 241), Almaniya (2 min 5) və İsveçrə (1226) izlədiyi halda, Yunanıstan və Polşa kimi nizamsız miqrasiyanın sıx olduğu ölkələrdən məlumat əldə etmək mümkün olmayıb.
32 ölkədən 13-ü araşdırma çərçivəsində məlumat vermədiyi üçün real rəqəmin “daha çox” olduğu təxmin edilir.
Şayəstə Hüseynova
Son şərhlər