Avropa Mərkəzi Bankı Rusiyanın aktivlərinin silinməsinin avroya olan inamı sarsıdacağını xəbərdar edir.
Elchi.az xəbər verir ki, “Financial Times”-ın xəbərinə görə, Avropa Mərkəzi Bankı Avropa Komissiyasına xəbərdarlıq edib ki, Rusiyanın dondurulmuş aktivləri ilə əməliyyatlardan əldə edilən gəlirin geri götürülməsi avroya olan inamı sarsıdacaq.Hətta Rusiyanın aktivlərinin qismən Ukraynanın xeyrinə müsadirəsi də qlobal maliyyə bazarları üçün pis siqnal olacaq.
“Nəticələr nəzərə çarpa bilər. Bu, avro ilə ifadə olunan aktivlərdən imtina etməklə ehtiyatların diversifikasiyasına gətirib çıxara bilər”, – AMB-nin bəyanatında deyilir.
Avropa İttifaqında “dondurulmuş ehtiyatlara toxunmaq olmaz, çünki bir gün münaqişə başa çatdıqdan sonra onları Rusiyaya qaytarmaq lazım gələcək”.
Məmmədova Nuranə