Avropa Komissiyasının vitse-prezidenti Teresa Ribera İsrailin Qəzzaya hücumlarını açıq şəkildə “soyqırım” kimi qiymətləndirib. Parisdə çıxış edən Ribera Avropanın bu vəhşiliyə qarşı səsini çıxarmamasını “Avropanın uğursuzluğu” kimi qiymətləndirərək, “Qəzzada törədilən soyqırım Avropanın səssizliyini ortaya qoyur” deyib.
Elchi.az xəbər verir ki, Avropa Komissiyasının vitse-prezidenti Teresa Ribera Avropa İttifaqı tarixində bir ilk olaraq İsrailin Qəzzaya hücumlarını “soyqırım” kimi qiymətləndirib.
Ribera Avropanın bu vəhşiliyə qarşı vahid səs ola bilməməsini “Avropanın uğursuzluğu” kimi qiymətləndirib.
Parisdəki Elmlər Po Universitetində Ribera deyib: “Qəzzədəki soyqırım Avropa şəhərlərində etirazların yayılması və BMT Təhlükəsizlik Şurasının 14 üzvünün atəşkəs çağırışı zamanı Avropanın vahid mövqedən çıxış edə bilmədiyini ortaya qoyur”.
Ribera bunun təkcə Avropa üçün deyil, bütün dünya üçün böyük sınaq olduğunu vurğulayıb:
“Birgə işləməkdə hələ də çətinlik çəkməyimiz çox məyusedicidir. Biz atəşkəs, mülki əhalinin müdafiəsi və normal həyatın bərpası üçün mübarizəmizi davam etdirməliyik”.
İsrail Xarici İşlər Nazirliyinin sözçüsü Avropa Komissiyasının vitse-prezidentini hədəf alıb və bu açıqlamanı verib:
“Ribera HƏMAS-ın təbliğatının ruporuna çevrilib. Biz bu əsassız iddiaları şiddətlə qınayırıq”.
2023-cü ilin oktyabrından bu yana davam edən hücumlarda Qəzzada 63 mindən çox fələstinli həyatını itirib. Regionda infrastruktur böyük ölçüdə məhv edilib, aclıq və kütləvi köçkünlük dərinləşib. Beynəlxalq Ədalət Məhkəməsində İsrailə qarşı soyqırım işi hələ də davam edir.
Nuranə Məmmədova
Son şərhlər