Donetsk səmasında vurulan Malayziya mülki təyyarəsindəki sərnişinlərin qohumları Putinə qarşı çoxsaylı 
iddialar hazırlayırlar. Musavat.com-un xarici KİV-ə istinadən verdiyi məlumata görə, vəkillər hesab edir ki, qanun qarşısında təkcə laynerin vuran separatçılar deyil, həm də onlara maliyyə və material köməyi edən şəxslər və şirkətlər cavab verməlidirlər.
Əksər ekspertlərin fikrincə, faciənin obyektiv təhqiqatı illərlə çəkə bilər. Çünki obyektiv təhqiqatın yerində aparılmasına separatçılar mane olacaq.
Vəkillər hazırlamağa başladıqları kollektiv iddianı ABŞ-da qaldırmaq niyyətindədirlər. Putinlə yanaşı, cavabdehlər sırasına Rusiya prezidentinin yaxın ətrafına daxil olan yüksək çinli hərbi rəhbərlər də daxil edilə bilər. Əgər Amerika məhkəməsi iddiaları əsaslı saysa, bu, ilk növbədə Putin və yaxın ətrafının xarici aktivlərinin dondurulmasına gətirəcək.
Musavat.com
Son şərhlər