“İran daxilində gedən proseslər, Azərbaycan və digər türk qardaşlarımızın taleyi barədə bir çox səviyyələrdə analizlər, təhlillər edilir, müxtəlif fikirlər deyilir. Cənublu qardaşlarımıza dəstək vermək üçün yollar axtarılır”.
Bu fikirləri Elchi.az-a açıqlamasında BAXCP sədrinin müşaviri, politoloq Azər Qasımov söyləyib:
Politoloqun sözlərinə görə, bu məsələlərin tarixi faktları deyilir, proseslər tarixi baxımdan əlaqələndirilir. Amma məsələ ondadır ki, bəzi insanlar da bir çoxlarını İranın daxili etnogenezini, proseslərini bilmədən danışmaqda günahlandırır, onların fikirlərini şübhə altına alırlar”.
“Hesab edirəm ki, onlara da müəyyən mənada haqq vermək olar, lakin indi məsələ bu olmamalıdır. Qarşılıqlı ittihamlarla heç nə əldə etmək olmaz. Necə deyərlər, bilən də, bilməyən də eyni məqsəd üçün çalışdığı üçün məsələ kimin nə danışdığı yox, məsələ danışılanlar içərisindən məqbul hesab edilənlərin dəstək görməsidir. Çünki proseslər çox gərgin və sürətlə gedir. Artıq illərə hesablanmış addımlar atmağa vaxt yoxdur, məsələn İranda ideoloji iş aparmaq, fars rejiminin nökərlərinə çevrilmiş soydaşlarımızın yenidən qazanılması və s. kimi. Bu, vaxtı ilə edilməli idi, amma bu və ya digər səbəblərdən ya edilməyib, edilibsə də, görünən odur ki, edilməmiş kimi bir vəziyyətdir. Əslində kütləvi şəkildə İran daxilində bizə loyal kütlə formalaşdırmaq da mümkün deyildir, çünki fars rejiminin təbliğat maşını on illərdir əks istiqamətdə işləyib. Elə onu əsas götürək ki, Azərbaycan daxilində belə bu istiqamətdə məqbul iş aparıla bilməyib, nəinki İranda. Özümüzün rus və mollabaşları az deyildir. Bu baxımdan, indi məsələ bundan sonra nə etməliyik olmalıdır, təbii ki, tarixdən dərs almaqla.
Fikrimcə, ilk və əsas addımı cənab Prezident məlum bəyanatları ilə atdı. Bu, vacib və prinsipial addım idi. Dövlət, böyük ehtimalla, lazım bildiyi addımları da atacaq, sadəcə insanlar müəyyən fikirləri ilə buna dəstək ola, müəyyən yol göstərə bilərlər. Hesab edirəm ki, atılacaq addımlar İranın dağılmasında maraqlı ölkələrin fəaliyyəti kimi olmalıdır, yəni nə etdiyimiz bilinmədən”.
Yeganə