“Apple”, uşaqlara qarşı cinsi istismar məzmunu ilə bağlı qaydalarını pozduğuna görə mesajlaşma tətbiqi “Telegram”-ı “App Store”-dan müvəqqəti olaraq sildi.
Elchi.az xəbər verir ki, Telegram bazar ertəsi gecəsi iPhone və iPad tətbiq mağazalarından silindi.
Bəzi ABŞ media orqanlarına verdiyi açıqlamada, Apple, araşdırma nəticəsində “Telegram”-da uşaqların cinsi istismarı ilə bağlı materialları qadağan edən şirkətin qaydalarını pozan məzmun aşkarladığını bildirdi.
Bəyanatda əlavə edildi ki, Telegram məzmunu tez bir zamanda silib və paylaşan istifadəçini bloklayıb, bundan sonra tətbiq App Store-a yenidən yüklənib.
ABŞ-da yerləşən X şirkətinin sosial media platformasındakı paylaşımda Telegram bildirib: “Ölüm xəbərim çox şişirdilib”.
Apple etiketli başqa bir paylaşımda Telegram soruşdu: “Əminəm ki, bu münasibət gələcəkdə mağazadakı bütün digər tətbiqlərə eyni dərəcədə tətbiq olunacaq, elə deyilmi?”
Rusiya 30 iyunda Telegram-ın qurucusu və baş direktoru Pavel Durovu terrorçular və ekstremistlər siyahısına əlavə etdi. Avstraliya İnternet Təhlükəsizliyi Komissarının Ofisi də Telegram-a qarşı terrorizmlə əlaqəli məzmunu platformasından silmədiyinə görə məhkəmə iddiası qaldırdı.
Şayəstə
