Apple şirkəti yeni əməliyyat proqramının təmir işlərinin şirkət tərəfindən aparıb-aparılmadığı faktını müəyyən edə bildiyini təsdiqləyib.
iPhone 6 mobil telefonlarının son proqram yenilənməsi, həcətin Apple şirkətinin rəsmi nüməyəndəliyindən kənar yerdə təmir olunduğunu aşkar etdikdə, smartfondan istifadəni mümkünsüz edir.
iPhone 6 sahiblərinin üzləşdiyi və “error53” kodu ilə tanınan problem Apple şirkətinin digər məhsullarının istifadəsi zamanı da qeydə alınıb.
Guardian qəzetinin məlumatına əsasən, smartfonlarını Apple şirkətinin rəsmi nümayəndəliklərində təmir etməyən istifadəçilər iOS 9 əməliyyat proqramının son versiyasını telefonlarına yüklədikdən sonra problemlərlə üzləşib.
iPhone 6 smartfonlarının sahibləri “error 53” problemini sosial şəbəkələrdə müzakirə etməkdədirlər.
Apple şirkətinin forumlarında “wallihall” niki altında yazan istifadəçilərdən biri bildirib ki, iPhone-nun abunə pulunu ödəməkdə davam etsə də, artıq smartfondan istifadə edə bilmir.
Apple şirkəti yeni əməliyyat proqramının təmir işlərinin şirkət tərəfindən aparılıb-aparılmadığı faktını müəyyən edə bildiyini Guardian qəzetinə təsdiqləyib.
“Error 53” problemilə üzləşən smartfon sahiblərinə Apple müştəri xidmətinə müraciət edilməsi məsləhət görülüb(BBC).
Son şərhlər