Böyük Britaniyada məhkəmə qüsurlu iPhone batareyaları ilə bağlı işin açılmasına icazə verib.
Elchi.az bu barədə “Reuters” agentliyinə istinadən xəbər verir.
London Rəqabət Apellyasiya Məhkəməsi Apple-ın problemli iPhone batareyaları ilə bağlı işi bloklamaq təklifini rədd edib. İddia 2022-ci ilin iyun ayında Amerika korporasiyasını qüsurlu smartfonlar satmaqda ittiham edən Böyük Britaniya sakini Castin Qutman tərəfindən qaldırılıb.
Qutmanın sözlərinə görə, Apple bilərəkdən Phone 6, 6 Plus, 6s, 6s Plus, SE, 7 və 7 Plus modellərində smartfonların prosessoru və ya əməliyyat sisteminə uyğun olmayan batareyalardan istifadə edib. Sonradan korporasiya iOS-un yeni versiyalarını buraxdı ki, bu da qadcetlərin işini ləngitdi. İddiaçı şirkətdən təzminat tələb edib, onun məbləği 1,9 milyard dollara qədər ola bilər.
Apple, 2023-cü ilin mayında iddianı əsassız adlandıraraq qarşısını almağa çalışdı. Apple sözçüsü Tom Parker, “Biz heç vaxt Apple məhsulunun ömrünü qəsdən qısaltmaq və ya müştəriləri yeni alışlar etməyə təşviq etmək üçün istifadəçi təcrübəsini pisləşdirmək üçün heç bir şey etməmişik və etməyəcəyik” dedi.
Avqust ayında məlum olub ki, Apple şirkəti smartfonlarının sürəti ləngiyən iPhone istifadəçilərinə təzminat ödəməyə başlayacaq. Korporasiya hər bir istehlakçıya 65 dollar ödəyəcək.
Nuranə Məmmədova
Son şərhlər