Ana ölümü ictimaiyyət nümayəndələri ilə yanaşı, Səhiyyə Nazirliyini də narahat edir.
AzərTAc xəbər verir ki, bunu sentyabrın 25-də Bakı Ekspo Mərkəzində keçirilən 20-ci Azərbaycan Beynəlxalq səhiyyə sərgisində iştirak edən səhiyyə nazirinin müavini Elsevər Ağayev jurnalistlərə müsahibəsində deyib.
Azərbaycanda ana ölümlərinin sayının ildən-ilə azaldığını diqqətə çatdıran nazir müavini bildirib ki, on il əvvəl il ərzində 34 ana ölümü qeydə alınırdı. Ötən il isə bu rəqəm 25-ə düşüb. Bu ilin 9 ayı ərzində isə 18 ana doğuş zamanı ölüb. Bütün ana ölümləri Səhiyyə Nazirliyin Doğuşa Yardım Komissiyası tərəfindən araşdırılır. Günahı olanlar cəzalandırılır. “Ana ölümü olmayan ölkə yoxdur. Lakin ana ölümünün azalmasına çalışmalıyıq”, – deyə o bildirib.
O, həmçinin gənc analara öz sağlamlıqlarına diqqətlə yanaşmağı, tibb müəssisələrinə vaxtında getmələrini tövsiyə edib. Bildirib ki, Azərbaycan təbii artıma görə Avropa ölkələri arasında birinci yeri tutur. Ölkədə doğuşların sayı ildən-ilə artır. Təkcə ötən il ölkəmizdə 170 mindən artıq uşaq doğulub.
Küləkli hava şəraiti ilə bağlı sarı və narıncı xəbərdarlıq verilib
Milli Hidrometeorologiya Xidməti iyulun 27-28-də Bakıda və Abşeron yarımadasında, eyni zamanda bəzi bölgələrdə gözlənilən küləkli hava şəraiti ilə bağlı sarı...
Son şərhlər