İrkutskda qəzaya uğrayan An-12 təyyarəsi ilə bağlı bəzi məlumatlar və qəza yerindən görüntülər yayılıb.
Qəzadan öncə pilotlar ikinci dəfə dövrə vurmağın vacibliyini məruzə edib, daha sonra isə təyyarə radarlardan itib.
“Sputnik Belarus” təyyarənin Belarusun “Qrodno” aviaşirkəti tərəfindən istismar olunduğunu bildirib.
Təyyarənin göyərtəsində Belarus, Rusiya və Ukrayna vətəndaşları olub. Krasnoyarsk vilayətinin qubernatorunun sözlərinə görə, göyərtədə olan 5 heyət üzvü və iki sərnişinin hamısı ölüb.
Belarus Nəqliyyat Nazirliyi baş vermiş hadisənin araşdırılması üçün xüsusi komissiya yaradıb.
Rusiya İstintaq Komitəsindən isə bildirilib ki, uçuş təhlükəsizliyi qaydalarının pozulması ilə bağlı cinayət işi açılıb.
Qəzanın pis hava şəraiti və yaxud texniki nasazlıq səbəbindən baş verdiyi ehtimal olunur.
Son şərhlər