Amerikalı iqtisadçı, BMT baş katibinin keçmiş xüsusi müşaviri Cefri Saks bildirib ki, ABŞ prezidenti Co Bayden keçmiş prezident Barak Obamadan fərqli olaraq Rusiyanın öz maraqlarını müdafiə etməyə hazırlığını lazımınca qiymətləndirib.
Elchi.az xəbər verir ki, ekspert bu barədə özünün “YouTube” kanalında yayımlanan müsahibəsində danışıb.
Saksın sözlərinə görə, Bayden NATO və Ukrayna məsələlərinin Rusiya üçün fundamental olaraq qaldığını başa düşməyib.
Ekspert vurğulayıb ki, Rusiya “tamamilə proqnozlaşdırıla bilən və başa düşülən səbəbə görə” Ukraynanın NATO-ya daxil olmasına qarşı çıxıb. Saks vurğulayıb ki, Kiyevin alyansa üzv olması Rusiya Federasiyası üçün ekzistensial təhlükədir və ABŞ-a Qara dəniz üzərində nəzarəti verir. Lakin Bayden administrasiyası Kremlin reaksiyasını blef kimi qəbul etdi.
Saksın fikrincə, ABŞ sanki Rusiyanın “öz iradəsinə tabe olmaqdan” başqa çarəsi yoxmuş kimi davranıb.
“Ancaq bu baş vermədi, Bayden, təəssüf ki, çox ağıllı insan deyil və onun komandası çox ağıllı deyil. Onun fikrincə, Obama Baydendən qat-qat uzaqgörən siyasətçi idi.
2021-ci ilin noyabrında ABŞ Moskvadan Ukrayna ilə həmsərhəd zonada “qeyri-adi hərbi fəaliyyət”lə bağlı aydınlıq gətirməsini tələb edib və Aİ-ni regionda mümkün münaqişə riski barədə xəbərdar edib.
Dekabrda Baydenlə danışıqlar zamanı Putin deyib ki, Moskva NATO-nun şərqə doğru genişlənməsini istisna edən qanuni olaraq müəyyən edilmiş zəmanətlər almaqda maraqlıdır.
Rusiya ilə ABŞ və NATO arasında təhlükəsizlik təminatlarına dair müqavilə layihəsində 1997-ci ilin mayında (Şərqi Avropa dövlətləri alyansa qoşulmazdan əvvəl) alyansın əlavə qüvvələrinin olduqları ölkələrdən kənarda yerləşdirilməməsi tələbi də qeyd olunurdu.
Nuranə Məmmədova
Son şərhlər