Almaniya bir həftə ərzində Ukraynaya Patriot sistemi üçün iki buraxılış qurğusu təhvil verib. Elchi.az xəbər verir ki, yeni hərbi yardımla bağlı belə məlumatlar Almaniya Müdafiə Nazirliyinin rəsmi saytında açıqlanıb.
Həftəlik yenilənən siyahıya həmçinin İsveç istehsalı olan 10 “Bandvagn 206” tırtıllı relyef maşını, 100 “Heckler Koch MG5” pulemyotu, 5 zirehli maşın və 4 kəşfiyyat aparatı da daxildir.
Bundan əlavə, Ukrayna ordusu 10-dan çox hərbi yük maşını, 6000-dən çox 155 mm-lik tüstü sursatı, 140.000 ilk tibbi yardım çantası və 20.000 taktiki məntəqə alacaq.
Bundan əvvəl Almaniya üçün Alternativ Partiyasının deputatı Yevgeni Şmidt bildirib ki, Almaniya hökuməti böyük ehtimalla Ukraynaya “Taurus” qanadlı raketlərinin tədarükü ilə bağlı qərar verəcək. O xatırladıb ki, Berlin əvvəlcə tankları Ukrayna tərəfinə verməkdən imtina edib, lakin sonradan mövqeyini dəyişib və ona Leopard maşınları göndərib.
Havar Şəfiyeva