Almaniyanın paytaxtı Berlində polis Fələstinə dəstək nümayişini sərt şəkildə dağıdıb, çox sayda insan saxlanılıb.
Elchi.az xəbər verir ki, yüzlərlə fələstinli tərəfdar İsrailin törətdiyi soyqırıma etiraz etmək və Qəzzada aclıq böhranına diqqət çəkmək üçün Berlinin ən işlək bölgələrindən biri olan Breitscheid meydanı yaxınlığındakı Kurfürstendamm prospektində toplaşıb.
Etirazçılar İsrail əleyhinə şüarlar səsləndirərək, qaşıqlarla qazan və tavaları döyərək, İsrailin humanitar yardımların ölkəyə girişini əngəllədiyi Qəzzada aclıq böhranına diqqət çəkib.
Nümayiş bir müddət davam etdikdən sonra polis nümayişin bitdiyini elan edib və etirazçılara ərazini tərk etməyi əmr edib.
Daha sonra etirazçılar şüarlar səsləndirməyə davam edib və bir çoxları etiraz etmək üçün əyləşiblər.
Daha sonra polis etirazçıları sıxışdırıb, nümayişi dağıdıb və çoxlu sayda insanı saxlayıb.
Bu arada Berlinin Vittenberq meydanında Fələstinlə həmrəylik nümayişi keçirilib.
Orada nümayişçilər Qəzzada baş verən aclıq böhranına diqqət çəkmək üçün qazan və tavaları qaşıqlarla döyüblər.
Nümayişdə “Terrorçu İsrail”, “Uşaq qatili İsrail”, “Qəzzəyə azadlıq” şüarları ilə yanaşı, “Qəzzada soyqırımı dayandırın”, “Qəzzəyə yeməkləri indi buraxın”, “Qəzzada aclığa son, çörəyi gətirin” yazılı lövhələr daşınıb.
Bu nümayiş zamanı azı dörd etirazçı saxlanılıb.
Yeganə
