Almaniyanın 2028-ci ildən Şimali Atlantika Alyansının (NATO) məqsədlərinə çatmaq üçün maliyyə çatışmazlığı var. Elchi.az xəbər verir ki, bu barədə Almaniyanın “Der Spiegel” nəşri məlumat yayıb.
Olaf Şolz hökuməti bu il iqtisadi məhsulun iki faizini müdafiəyə ayırmaq hədəfinə çatmağa hazırlaşır. Ölkə NATO tərəfdaşlarına bu vədi yerinə yetirməyə söz verib.
Alman ekspertlərinin fikrincə, bu məqsədlə xüsusi olaraq yaradılan Bundesver fondu 4 il ərzində tükənəcək. Almaniyanın NATO tərəfdaşları qarşısında öhdəliklərinə nail olmaq üçün əlavə planları yoxdur.
Almaniyanın müdafiə naziri Boris Pistorius müdafiə sənayesinin xeyrinə başqa sahələrdə maliyyənin kəsilməsini təklif edib. “Müdafiə üçün daha çox pul digər siyasət sahələri üçün daha az pul deməkdir” – deyə o bildirib.
Qeyd edək ki, daha əvvəl Almaniyanın müdafiə naziri ölkənin Ukraynaya yardıma görə silah çatışmazlığından əziyyət çəkdiyini bildirib.
Havar Şəfiyeva
Son şərhlər