Almaniya Ümumi Avtomobil Klubunun (ADAC) məlumatlarına istinad edən “Onvista”nın hesabatına görə, Almaniyada benzin qiymətləri yeni rekord həddə çatıb.
Elchi.az xəbər verir ki, sentyabrın 13-də “Super E10” markalı benzinin qiyməti bir litr üçün 2,273 avro təşkil edib ki, bu da sentyabrın 11-i ilə müqayisədə 1,7 sent artım deməkdir.
Dizel yanacağının qiyməti isə 3,5 sent bahalaşaraq bazar günü orta hesabla litri 2,404 avroya çatıb.
Qeyd edək ki, hələ avqustun 30-da “E10” benzininin qiyməti bazar günündəkindən 12 sent, dizel yanacağının qiyməti isə 20 sent daha ucuz idi. Yaxın Şərqdəki vəziyyət səbəbindən qiymətlərin gələcək dinamikası ilə bağlı proqnozlar pessimist görünür.
Sentyabrın əvvəlində Niderlandda benzinin qiyməti rekord həddə – litri 2,666 avroya yüksəldi.
ABŞ-da isə sentyabrın 4-də dizel yanacağının qiyməti qalxaraq qallonu (3,79 litr) 5,85 dollar təşkil etməklə yeni rekord müəyyən etdi. Benzin qallonu 4,15 dollardan satılırdı ki, bu da Yaxın Şərq böhranının başlanğıcındakı qiymətdən təxminən 40 faiz yüksək idi.
Yeganə
