Avropa Parlamenti ABŞ ilə ticarət sazişinin ratifikasiyası üzrə səsverməni qeyri-müəyyən müddətə rəsmi şəkildə dayandırıb.
Elchi.az -ın məlumatına görə, bu barədə DPA agentliyi parlamentin ticarət komitəsinin sədrlərinə istinadən xəbər yayıb.
“ABŞ Aİ üzv dövlətlərinin ərazi bütövlüyünə və suverenliyinə hədə-qorxu gələrək, tarifləri təzyiq vasitəsi kimi istifadə etməklə ticarət münasibətlərinin sabitliyini və proqnozlaşdırıla bilməsini pozur”, – deyə Avropa Parlamentinin ticarət komitəsinin sədri Bernd Lanqe bildirib.
O vurğulayıb ki, saziş üzərində iş ABŞ qarşıdurma əvəzinə əməkdaşlığı bərpa etməyə qərar verənədək dayandırılıb.
Bundan əvvəl Avropa Komissiyasının (AK) rəqabət məsələlərinə cavabdeh vitse-prezidenti Teresa Ribera bəyan etmişdi ki, ABŞ-nin Qrenlandiya ilə bağlı iddiaları fonunda Aİ ölkələri icmanın maraqlarını qorumaq üçün lazım ola biləcək hər hansı tədbirlərdən imtina etməməlidirlər.
