Avropa İttifaqının (Aİ) Moldovadakı nümayəndə heyətinin rəhbəri Janis Mazheiks respublikanın Aİ-yə daxil olmasına qədər Dnestryanı problemin həll olunacağına ümid etdiyini, lakin mübahisəli region olmadan inteqrasiyanın mümkünlüyünü etiraf edib.
Elchi.az bu barədə Ria.ru-ya istinadən xəbər verir.
Bundan əvvəl Moldova prezidenti Maya Sandu bəyan etmişdi ki, o, Dnestryanı olmadan yalnız ölkənin sağ sahilində Aİ-yə inteqrasiyanın mümkünlüyünü istisna etmir. Onun fikrincə, təşkilata daxil olduqdan sonra münaqişəni həll etmək olar.
“Ümid edirik ki, Moldova Aİ-yə daxil olanda bu problem həll olunacaq. Bu mərhələdə biz sülh yolu ilə həll axtarışlarını dəstəkləməyə davam edəcəyik. Ümid edirik ki, bu, Moldovanın Aİ-yə daxil olmasından əvvəlki vəziyyəti həll edəcək”, – deyə Mazheiks Moldovanın Dnestryanı olmadan Aİ-yə daxil olması ehtimalını şərh edərkən bildirib.
Onun sözlərinə görə, Brüssel Avropaya inteqrasiya prosesinin Dnestryanı münaqişənin həllindən asılılığı problemi ilə üzləşmək istəməzdi.
Əhalisinin 60%-ni rus və ukraynalılardan ibarət olan Dnestryanı bölgə hələ SSRİ dağılmamışdan əvvəl Moldovanın Rumıniyaya birləşməsinə milliyətçilik gətirəcəyindən ehtiyat edərək Moldovadan ayrılmağa çalışırdı. 1992-ci ildə Moldova hakimiyyətinin problemi güc yolu ilə həll etmək üçün uğursuz cəhdindən sonra Dnestryanı praktiki olaraq Kişinyovun nəzarətindən kənar əraziyə çevrildi.
Yeganə
Son şərhlər