Avropa İttifaqı (Aİ) Ukraynanın oğurlanmış hesab etdiyi Rusiya taxıl daşımaları ilə əlaqədar İsraildən bəzi fiziki və hüquqi şəxslərə qarşı məhdudlaşdırıcı tədbirlərin tətbiqi imkanlarını araşdırır.
Elchi.az xəbər verir ki, Aİ-nin xarici işlər üzrə nümayəndəsi Anouar El Anuni bildirib ki, təşkilat Hayfa limanına Rusiya gəmisinin gəlməsi ilə bağlı xəbərləri qeyd edib.
Ukrayna gəminin oğurlanmış taxıl daşıdığına inanır.
El Anuninin sözlərinə görə, Ukraynanın bu məsələ ilə bağlı İsrail hakimiyyət orqanları ilə əvvəllər əlaqə saxlamasına baxmayaraq, gəminin boşaldılmasına icazə verilib. Avropa İttifaqı hesab edir ki, bu cür hərəkətlər sanksiyalardan yayınmağa kömək edir və Rusiyanın hərbi əməliyyatlarını maliyyələşdirir.
“Biz zərurət yaranarsa, üçüncü ölkələrin siyahılarına fiziki və hüquqi şəxsləri əlavə etməklə bu cür hərəkətlərin qarşısını almağa hazırıq”,-deyə Aİ nümayəndəsi bildirib.
İsrailin xarici işlər naziri Gideon Saar sosial şəbəkələrdə Ukraynanın İsrailin Rusiyanın yeni bölgələrində biçilmiş taxıl alması ilə bağlı ittihamlarını kəskin tənqid edib.
Yeganə
