Avropa Şurasının prezidenti Çarlz Mişel çərşənbə günü BMT Təhlükəsizlik Şurasının iclasında Çindən Rusiyadan Ukrayna münaqişəsinin sülh yolu ilə həllinə təkan verməsini istəyəcək. Elchi.az xəbər verir ki, bu barədə “Reuters” siyasətçinin çıxışının layihə mətninə istinadən məlumat yayıb.
Mişelin Çin tərəfi ilə bağlı çıxışında deyilir: “Gəlin məsul ölkələr olaraq Rusiyanı bu müharibəni dayandırmağa inandırmaq üçün güclərimizi birləşdirək”.
Bundan əvvəl Yaponiyanın xarici işlər naziri Yoko Kamikava “Yeddilik” ölkələrinin diplomatik departamentlərinin rəhbərləri arasında aparılan danışıqların sədri kimi Çini Ukraynadakı münaqişənin həlli üçün Rusiyaya təzyiq göstərməyə çağırıb.
Nyu-Yorkda keçirilən danışıqlarda G7 xarici işlər nazirləri də Rusiyanın Ukraynadakı hərəkətlərini tənqid edib, Kiyevi dəstəkləməyə razılaşıb və taxıl sazişinin bərpasına çağırıblar. Ölkələrin nümayəndələri də Moskvanı nüvə ritorikasından istifadə etməkdə ittiham edib və bunu qəbuledilməz adlandırıblar.
Havar Şəfiyeva
Son şərhlər