ABŞ prezidenti Co Bayden Ağ Evin Milli İqtisadi Şurasının direktoru Brayan Dizin tutduğu vəzifədən istefa verəcəyini açıqlayıb.
Elchi.az xəbər verir ki, vəzifəyə gəldiyi zaman ölkədə yüksək işsizliyin və iqtisadi böhranın hökm sürdüyünə diqqət çəkən Bayden, bu problemlər qarşısında Diz ilə birlikdə çalışdıqlarını söyləyib.
Bayden, Dizin iqtisadiyyatın bərpasında mühüm rol oynadığını qeyd edib:
“Brayan mürəkkəb siyasət problemlərini Amerika xalqının həyatını yaxşılaşdıran konkret tədbirlərə çevirmək üçün unikal qabiliyyətə malikdir
Amerika Bərpa Planı, İki Partiyalı İnfrastruktur Aktı, Çiplər, Elm Aktı və İnflyasiyanın Azaldılması Aktı kimi ölkə iqtisadiyyatı üçün atılan mühüm addımlarda Dizin rolu böyük olub. Ona və ailəsinə töhfələrinə görə təşəkkür edirəm”.
Qeyd edək ki, Bayden Milli İqtisadi Şuranın yeni direktorunun kim olacağı ilə bağlı məlumat paylaşmayıb.
Xatırladaq ki, Yanvarın 27-də Bayden bildirib ki, Ağ Evin aparat rəhbəri Ron Klain vəzifəsini tərk edəcək, onun yerinə isə Ceff Zients gələcək. Zients dünəndən etibarən vəzifəsinin icrasına başlayıb.
Yeganə
Son şərhlər