ABŞ prezidenti Co Bayden, İsrailin Qəzzaya hücumlarının “çox şişirdilmiş” olduğunu ifadə edərək, “Qəzzada aclıqdan ölən çoxlu günahsız insan var, buna son qoyulmalıdır” deyib.
Elchi.az xəbər verir ki, ABŞ prezidenti Bayden axşam saatlarında Ağ Evdə proqrama son anda əlavə edilən canlı yayımda kameralar qarşısına keçib.
Xüsusi prokurorun açıqladığı hesabatla bağlı qiymətləndirmələr aparan Bayden Qəzzada son vəziyyətə və ABŞ rəhbərliyinin bu mövzuda gördüyü işlərə toxunub.
7 oktyabr hücumlarından sonra İsrailin Qəzzaya hücumları ilə bağlı Bayden, “Qəzzada (hərbi) cavabın çox şişirdildiyinə inanıram” deyib.
Co Bayden Qəzzaya daha çox humanitar yardım göndərilməsi ilə bağlı bölgə ölkələri ilə dəfələrlə görüşdüyünü və bu mövzuda İsrailin baş naziri Binyamin Netanyahunu razı salmağa çalışdığını iddia edib.
Şayəstə Hüseynova