Abşeron rayonunda silah-sursat tapılıb.
Bu barədə Elchi.az-a FHN-in mətbuat xidmətindən məlumat verilib.
Bildirilib ki, Fövqəladə Hallar Nazirliyinin “112” qaynar telefon xəttinə Abşeron rayonunun Masazır qəsəbəsi ərazisində hərbi sursatların aşkar edilməsi barədə məlumat daxil olub.
Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.
Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatların döyüş tətbiqinə yararlı 13 ədəd F-1 əl qumbarası, 12 ədəd UZRQM partladıcısı, 31 ədəd 7.62 mm-lik və 30 ədəd 5.45 mm-lik mərmi olduğu müəyyən edilib.
Sursatlar XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.
Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.
Vay vay vay, Abşeronda nələr baş verir belə! Sanki kinodan səhnədir. Amma yaxşı ki, FHN tez əlaqəyə keçib, yoxsa Masazırın sakinləri özlərini “əl oyuncağı” hiss edə bilərdilər. Ümid edək ki, bu cür “sürprizlər” bir daha baş verməz.
Həqiqətən də, Abşeronda bu cür silah-sursat tapılması çox narahat edicidir. Düzgün tədbir görülməsi və bu təhlükənin aradan qaldırılması vacibdir. FHN-in operativliyi və peşəkarlığı təqdirə layiqdir. Bu cür hadisələrin təkrar olunmaması üçün daha diqqətli olmaq lazımdır.
Bəs necə oldu bu sursatlar ordan çıxdı, bilmək olarmı? Bu dəfə yaxşı ki, FHN tez çatdı ora. Həmin əşyalar zərərsizləşdirilib sevindirici haldı.
Çox sevindim ki, belə bir təhlükəli sursat tapılıb zərərsizləşdirilib. FHN əməkdaşlarının peşəkarlığına heyranam, bu cür işlər çətin olsa da, onlar bunu bacarır. Allah hamının canını, malını qorusun.