Abşeron Rayon İcra Hakimiyyətinin təşkilatçılığı ilə Xırdalan şəhərində yerləşən və ümummilli lider Heydər Əliyevin adını daşıyan parkda düzənlənən bayram şənliyində rayonun təhsil, mədəniyyət, səhiyyə və digər xidmət sahəsində çalışan

Novruz bayramına 2700 nəfərdən çox milli geyimli xanım və kişilər qatılıb. Qeyd etmək lazımdır ki, bu, Azərbaycanda keçirilən tədbirlərdə milli geyimli iştirakçıların sayına görə yeganə şənlikdir. Hələ bu vaxta qədər 2700 nəfərdən çox milli geyimli soydaşlarımız bir araya gəlməmişdi. Şənlikdə hər bir müəssisə özünün yaratdığı stendlə çıxış edib. Şənliyə Novruz atributları, qədimi xalçalar, əl işləri, Azərbaycan xalqının qədimliyini əks etdirən eksponantlar təqdim edilib, bayram şirniyyatları iştirakçılara paylanılıb.

Bayram şənliyinin məşəlini qalamaq üçün “Yanardağ” dövlət tarix-mədəniyyət və təbiət qoruğundan atəş gətirilib. Dədə Qorqud və Bahar qızının müşayəti ilə tonqal qalanıb. Sonra Abşeron Rayon İcra Hakimiyyətinin başçısı İradə Gülməmmədova və rayonun hüququ-mühafizə, səhiyyə, təhsil, mədəniyyət və digər xidmət təşkilatlarının rəhbərləri ilə birgə park ərazisində bayram gəzintisi həyata keçirilib, şənliyə qatılan iştirakçıların hazırladıqları bayram nömrələrinə tamaşa edilib. Azərbaycan pəhləvanları, idmanşıları öz məharətini göstəriblər.

Gəzintidən sonra Azərbaycanın tanınmış incəsənət xadimləri və Abşeron Mədəniyyət Evinin kollektivi tərəfindən konsert proqramı təqdim edilib.