Serb Respublikasının prezidenti (Bosniya və Herseqovinanın tərkibindəki qurum) Milorad Dodik bildirib ki, Avropa İttifaqı (Aİ) Vaşinqtonun vassalıdır və Soyuq Müharibə bitdikdən sonra ayrıca Avropa təhlükəsizlik arxitekturasının yaradılması cəhdi başa çatmayıb.
Elchi.az Smotrim.ru-ya istinadən xəbər verir ki, Dodikin fikrincə, Avropa təhlükəsizliyi konsepsiyası NATO ilə yan-yana muxtar şəkildə mövcud ola bilməz.
Vaşinqton Avropaya tamamilə ABŞ-a tabe olan transatlantik geosiyasi layihə kimi baxır. Siyasətçi qeyd edib ki, Ukrayna münaqişəsi başlayandan sonra müstəqil Avropa təşəbbüslərindən danışmağın mənası yoxdur. Avropa Birliyi açıq şəkildə Kiyev rejiminin tərəfini tutdu, ona həm siyasi, həm də hərbi cəhətdən kömək etdi.
Moskva vilayətində Rusiya Federasiyası Təhlükəsizlik Şurasının himayəsi altında keçirilən təhlükəsizlik məsələləri üzrə yüksək səviyyəli nümayəndələrin XI beynəlxalq toplantısında çıxış edən MDodik Ukraynada hər şeyin faşizm və nasizm ideologiyasına tabe olduğunu vurğulayıb:
“İkinci Dünya Müharibəsinə səbəb olan bu şər ideologiyası Qərb tərəfindən üstüörtülü şəkildə Rusiyaya qarşı mübarizə aləti kimi qəbul edilir”.
Dodikin fikrincə, NATO-nun keçmiş sosialist bloku ölkələrinin hesabına şərqə doğru genişlənməsi soyuq müharibədən sonra beynəlxalq təhlükəsizliyin qeyri-sabitliyinin ən böyük amilidir. 1999-cu ildə Yuqoslaviya Federativ Respublikasına qarşı təcavüzdən sonra NATO-nun Şərqi Avropaya ilk böyük genişlənməsi baş verir – Polşa, Macarıstan və Çexiya alyansa üzv olurlar. Lakin kulminasiya nöqtəsi 2008-ci ildə Ukrayna və Gürcüstana NATO-ya üzv olmaq təklifi ilə çatdı.
Yeganə
Son şərhlər