“Prezident Co Bayden İranın İsrailə qarşı misli görünməmiş hava hücumuna hərtərəfli cavab hazırlamaq səylərini əlaqələndirmək üçün G7 ölkələri, eləcə də iki partiyalı konqres liderləri də daxil olmaqla müttəfiq və tərəfdaşlara qoşulur”.
Elchi.az Reuters.com-a istinadən xəbər verir ki, bu barədə ABŞ-ın Milli Təhlükəsizlik müşaviri Ceyk Sallivanın dərc etdiyi bəyanatda deyilir.
“Yaxın günlərdə ABŞ İrana qarşı yeni sanksiyalar tətbiq edəcək, o cümlədən onun raket və pilotsuz təyyarə proqramları, həmçinin İslam İnqilabı Keşikçiləri Korpusuna (SEPAH) və İran Müdafiə Nazirliyinə dəstək verən təşkilatlara da. Biz gözləyirik ki, müttəfiqlər və tərəfdaşlar tezliklə öz sanksiyaları ilə bizdən nümunə götürəcəklər.
“Bundan əlavə, biz İranın raket və dron imkanlarının effektivliyini zəiflətmək üçün Yaxın Şərqdə raketdən müdafiə və erkən xəbərdarlıq sistemlərinin uğurlu inteqrasiyasını daha da gücləndirmək və genişləndirmək üçün Müdafiə Nazirliyi və ABŞ Mərkəzi Komandanlığı vasitəsilə işi davam etdiririk”-, deyə bəyanatda qeyd olunub.
Sallivan deyib ki, yeni sanksiyalar və digər tədbirlər İranın hərbi gücünü və effektivliyini məhdudlaşdırmaq və azaltmaq, habelə Tehranın qanunsuz fəaliyyətlərinə qarşı təzyiqi artıracaq.
Son üç il ərzində ABŞ raket və dron sanksiyalarına əlavə olaraq, terrorizm, terrorçuluğun maliyyələşdirilməsi və qeyri-qanuni insan alverinin digər formaları, insan hüquqlarının pozulması və etibarlı şəxslərə dəstək ilə əlaqəli 600-dən çox fiziki və hüquqi şəxsə qarşı sanksiyalar tətbiq edib.
“Təzyiqlər davam edəcək. Biz bütün dünya üzrə müttəfiqlər və tərəfdaşlarla, eləcə də Konqreslə birgə hərəkət etməkdən çəkinməyəcəyik ki, İran hökumətini öz bədxah və sabitliyi pozan hərəkətlərinə görə məsuliyyətə cəlb edək”,-deyə Sallivan bildirib.
Yeganə
Son şərhlər