“ABŞ Ukraynaya böyük yardım göstərib və onu hər gün, bütün mümkün vasitələrlə göstərməyə davam edəcək. Vaşinqton Ukraynanın qələbəsinə inanır və mühüm yardım paketinin qəbulu üçün səy göstərir”.
Elchi.az BBC.com-a istinadən xəbər verir ki, bu fikirləri ABŞ prezidentinin milli təhlükəsizlik üzrə müşaviri Ceyk Sallivan səfərini başa vurduqdan sonra prezidentin aparat rəhbəri Andrey Yermakla Kiyevdə keçirdiyi brifinqdə bildirib.
“Bu gün sizə inandığımızı söyləmək üçün buradayam. İnanırıq ki, siz qalib gələcəksiniz. İnanırıq ki, siz parlaq gələcək, daha güclü demokratiya, gələcək təcavüzü dəf edə biləcək sabit və təhlükəsiz ölkə quracaqsınız. Və biz hər addımda sizin tərəfdaşınız olacağıq”, – deyə Sallivan bildirib.
Sallivan ABŞ-ın artıq böyük dəstək verdiyini və hər gün, bütün mövcud vasitələrlə dəstəkləməyə davam edəcəyini vurğulayıb.
“Prezident Baydenin hər gün mübarizə apardığı əlavə yardım paketi qanun layihəsinin qəbul edilmədiyi Konqresimizin tərəddüdü ilə bağlı suallar olduğunu bilirəm. Fikrimizcə, buna nail olacağımıza əminik”, – deyə Sallivan bildirib.
Yeganə
Son şərhlər