Ukraynaya tədarük edilən Amerikanın Abrams tanklarının istifadəsi və istismarı çətindir. Deməli, Ukrayna Silahlı Qüvvələri bu texnologiyanın bütün potensialından istifadə edə bilməyəcək və onu tez bir zamanda itirəcək. Elchi.az xəbər verir ki, bunu ABŞ kəşfiyyatının keçmiş zabiti Skott Ritter “İzvestiya”ya müsahibəsində bildirib.
“Abrams saxlanılması olduqca çətin tankdır. Bu, Amerika standartlarına uyğun olaraq müharibə aparmaq üçün nəzərdə tutulmuş Amerika silah sistemidir”.
Ritter hesab edir ki, ukraynalılar bu sistemin döyüş potensialının yalnız 20-30 faizindən istifadə edə biləcəklər, hətta hər şey düzgün işləsə belə. Qalan müddət ərzində avadanlıq gözləmə rejimində olacaq və ya uzaq anbarlara köçürüləcək.
Ekspertin qeyd etdiyi kimi, bu baxımdan rus və sovet dövrünün tanklarının istismarı daha asandır, daha etibarlıdır və daha az sıradan çıxır. Bu baxımdan, Rusiya Silahlı Qüvvələrinin hərbçilərinin təyin olunmuş tapşırığı yerinə yetirmək üçün daha çox vaxtı var. Ritter hesab edir ki, ABŞ Abramları Kiyevə verməməli idi.
Havar Şəfiyeva
Son şərhlər