ABŞ Dövlət Departamenti Şərqi Aralıq qaz boru xətti layihəsi olan “Eastmed”i dəstəkləmir. Rəsmi Vaşinqton məsələ ilə bağlı Afinaya məktub göndərib.
Elchi.az xəbər verir ki, bu barədə iddianı yunan jurnalist Theofrastos Andreopoulos səsləndirib.
O bildirib ki, Afinanın Ankaraya qarşı siyasi vasitə kimi istifadə etdiyi layihənin gələcəyi ABŞ-ın rədd cavabı ilə qaranlığa qərq olur:
“Vaşinqton bununla Ankaranın Şərqi Aralıqdakı mövqeyini qəbul edir. ABŞ tərəfindən Yunanıstana göndərilən məktubdan həm Təl-Əvivə, həm də Ankaraya göndərilib. Bir sözlə, kəmərin ləğvi Türkiyənin tam olaraq istədiyini əldə etməsi anlamına gəlir”.
Qeyd edək ki, 2020-ci ilin yanvarında Türkiyənin Şərqi Aralıqdakı həmlələrinə qarşı İsrail, Yunanıstan və Kipr “Eastmed” anlaşmasını imzalamışdılar.
Son şərhlər