ABŞ-ın Birləşmiş Qərargah Rəisləri Komitəsinin Baş Qərargah rəisi, general Mark Milley bu il Rusiyanın Ukraynadan hərbi yolla çıxarılmasının çox çətin olduğunu bildirib.
Elchi.az xarici mediaya istinadən bildirir ki, Almaniyada Ramşteyn Hava Bazasında keçirilən və Ukraynaya dəstəyin müzakirə edildiyi Ukrayna Müdafiə Təmas Qrupu Toplantısından sonra ABŞ müdafiə naziri Lloyd Austin və general Milley jurnalistlərin suallarını cavablandırıb.
General Milley Ukrayna ilə Rusiya arasında müharibənin çox çətin olduğunu və geniş ərazidə aparıldığını, Ukrayna ərazisində hələ də çoxlu rus qüvvələrinin olduğunu bildirib.
Rusiya müharibədə böyük itki verib
Milley həmçinin qeyd edib:
“Hərbi nöqteyi-nəzərdən, Rusiyanı bu il işğal etdiyi ərazidən hərbi yolla çıxarmağın çox çətin olduğunu düşünürəm. Ancaq bunun çətin olması qeyri-mümkün demək deyil”.
Ukrayna ordusunun hücuma keçərək bəzi bölgələri Rusiyadan almasının mümkün olduğunu bildirən Milley Rusiyanın bu müharibədə böyük itkilər verdiyini bildirib.
Hər iki tərəfdən ciddi itkilər var
Hər iki tərəfin itkiləri ilə bağlı sualı cavablandıran Milley qeyd edib:
“Müharibələrdəki itkilərin sayı həmişə sual altındadır. Keçən dəfə Rusiyanın itkilərini deyərək, 100 mindən çox olduğunu bildirmişdim. Deyə bilərəm ki, indi ondan qat-qat çoxdur. Rusiya çox ciddi itkilər verir. Bura Vaqner kimi muzdlu qruplar da daxildir”.
Yeganə